Domenica 19 Nov 2017

Tres assimizos

Tres assimizos de sa ‘idda mia
mantenzo in sa memoria cun piaghere
ca ognunu si l’attagliat a dovere
in sos impastos de sa fantasia.

Ca sun sas domos de sos tzittadinos
isterridas de su casteddu a pes
s’aspettu in un’assimizu ‘e sos tres
est de una tzotza cun sos puddighinos.

Cust’assimizu l’appo appresu cando,
frequentende s’iscola elementare,
mi l’hat fattu sa mastra mia notare
e umpare a issa l’ammento dae tando.

Su segundu assimizu chi interessat
est a un’ampulla ‘e ispumante tappada
in isettu ‘e una mente illuminada
chi l’istappet ca su chi hat intro nd’ ’essat.

S’assimizu est istadu isviluppadu
durante una campagna elettorale
pro narrer chi possedit ispeciale
unu tesoro chi no est isfruttadu.

Est su tertzu assimizu a una cometa
cun pro nucleu casteddu e abitassiones
e pro coa s’isfilada ‘e sos lampiones
tra Bonaera a su nucleu cumpleta.

Si faghet cust’assimizu da chie,
appende fattu intro ’e Tattari ispesas,
recuit a bidda cando sun atzesas
sas lampadinas ca mortu est su die.

Sos assimizos piaghen tottu a Brotu
ma ognunu podet aer diversu votu.

(12.11.2008)


Menu Principale

Work in progress


SITO IN COSTANTE AGGIORNAMENTO

Notizie

Cronaca - La Nuova Sardegna - Sassari

Immagini Casuali

normal_olimpiadi 2006.jpg