Mercoledì 22 Nov 2017

A Frantziscu Casu

Leggidu cun piaghere ma surpresu
appo sos foglios chi in sas manos mias
has postu cun sas bellas tuas poesias
cumpostas tottu in limbazu osilesu.

Istende tue in Torino, piemontesu
in sa visione mia resurtaias;
ma osservo chi arribadu has sas nadias
costumantzias chi in bidda aias appresu.

Sas rimas tuas abertu m’han sa mente
ammentendemi chi un’amore nou
no iscancellat su ‘etzu fatzilmente

e tue, Frantziscu Casu, sardu ses
ca sempre has sa ‘idda nostra in coro tou
mancari chi in Torino appas sos pes.

Unu saludu ‘e Brotu a tottu estende
sos sardos chi in Torino sun vivende.

(06.03.2009)

Menu Principale

Work in progress


SITO IN COSTANTE AGGIORNAMENTO

Notizie

Cronaca - La Nuova Sardegna - Sassari

Immagini Casuali

Angel.jpg